Kryetarja e Kuvendit Lindita Nikolla ka shprehur solidaritetin popullit turk, Asamblesë së Madhe Kombëtare dhe Presidentit të saj, Mustafa Sentop për tragjedinë si pasojë e shpërthimit në një minierë në Bartin në Turqinë Veriore. Në një postim në Facebook Nikolla shpreh ngushëllime për familjet e të prekurve.

“Një lajm i trishtuar nga Turqia. Nga njoftimet e deritanishme 28 persona kanë humbur jetën nga shpërthimi në një minierë në Bartin në Turqinë Veriore dhe për dhjetra të tjerë ekipet e shpëtimit vazhdojnë kërkimet. Ndaj dhimbjen me familjet e viktimave dhe gjetshin forcën dhe kurajon të përballojnë dhimbjen për humbjen e njerëzve të tyre të dashur prej tragjedisë. I shpreh solidaritetin popullit turk, Asamblesë së Madhe Kombëtare dhe Presidentit të saj, mikut dhe kolegut z. Mustafa Sentop”,shkruan Nikolla.

Ka shkuar në 40 numri tragjik i të vdekurve nga shpërthimi në një minierë qymyrguri në veriperëndim të Turqisë ndërsa ekipet e shpëtimit vazhdojnë kërkimet.

/rtsh.al/