Autoritetet më të larta të shtetit italian, Presidenti Sergio Mattarella dhe Kryeministrja Giorgia Meloni, kanë reaguar zyrtarisht pas ngjarjes tragjike në Crans-Montana. Roma zyrtare po ndjek me ankth operacionet e shpëtimit, ndërsa institucionet italiane janë vënë në shërbim të autoriteteve zvicerane për të përballuar krizën.

Mattarella: “Simpati e thellë për popullin zviceran”

Në një mesazh drejtuar Presidentit të Konfederatës Zvicerane, Guy Parmelin, Presidenti Sergio Mattarella shprehu trishtimin e tij të thellë:

“Mendimet e mia të sinqerta shkojnë me familjet e viktimave të shumta. Në këtë rast të trishtueshëm, ju përcjell ngushëllimet më të ndjera në emër të Republikës Italiane,” shkruan Mattarella.

Meloni: “Mbrojtja Civile në gatishmëri”

Nga Palazzo Chigi, Kryeministrja Giorgia Meloni konfirmoi se po monitoron situatën në kohë reale në koordinim me Ministrin e Jashtëm, Antonio Tajani.

Fokusi kryesor mbetet identifikimi i qytetarëve italianë të përfshirë në ngjarje.

Meloni falënderoi ekipet e Mbrojtjes Civile italiane që janë mobilizuar për të asistuar në zonën e Valais.

/rtsh.al/