Trump ka emëruar Senatorin Marco Rubio nga Florida, si të emëruarin e tij për Sekretarin e Shtetit të  Shteteve të Bashkuara të Amerikës. Nisur nga ky vendim, ministri për Evropën dhe Punët e Jashtme, Igli Hasani, nëpërmjet një postimi në rrjetet sociale, ka shprehur urimet e tij për senatorin amerikan, Marco Rubio, si i zgjedhur nga Donald Trump për të shërbyer si Sekretar i Shtetit i Shteteve të Bashkuara të Amerikës.

Në një postim në platformën X, Hasani thekson rëndësinë e këtij emërimi dhe shpreh gatishmërinë për të forcuar më tej marrëdhëniet e ngushta mes dy vendeve.

“Urime Marco Rubio për emërimin, Sekretar i Shtetit të Shteteve të Bashkuara të Amerikës. Mirëpresim të forcojmë më tej lidhjet e forta midis Shteteve të Bashkuara të Amerikës dhe Shqipërisë, si dhe të punojmë së bashku për të promovuar paqen, demokracinë dhe prosperitetin,” shkruan Hasani.

/rtsh.al/