Presidenti i Shteteve të Bashkuara, Donald Trump, ka deklaruar se administrata e tij do të ulë tensionet në Minesota, pas vrasjes së Alex Pretti nga oficerë federalë të emigracionit.

Pretti, një infermier në kujdesin intensiv në spitalin e veteranëve, u qëllua për vdekje gjatë një përplasjeje me agjentët e kufirit. Ngjarja ndodhi vetëm dy javë pas një tjetër rasti fatal, ku u vra Renee Good, duke nxitur protesta dhe kritika të gjera ndaj pranisë së mijëra agjentëve federalë në shtet.

Departamenti i Sigurisë Kombëtare (DHS) ka pretenduar se oficerët vepruan në vetëmbrojtje, duke thënë se Pretti kishte nxjerrë një armë. Por dëshmitarë dhe autoritete lokale e kundërshtuan këtë version, duke pohuar se ai mbante një telefon.

Pas presionit publik, DHS ka larguar drejtuesin e misionit në Minesota dhe ka emëruar Tom Homan për të mbikëqyrur operacionet.

Trump e cilësoi ngjarjen si “shumë të pafat”, por mbrojti operacionet e emigracionit, duke përmendur statistika për uljen e krimit dhe mbështetjen publike për deportimin e emigrantëve pa dokumente që kanë rekorde kriminale.

Ky zhvillim ka hapur një debat të gjerë mbi sigurinë, transparencën dhe rolin e agjentëve federalë në Minesota.

/rtsh.al/