Fjalët e Romelu Lukakut për lamtumirën e tij me Interin dhe zgjedhjen për t’u rikthyer te Chelsea vazhdojnë të diskutohen dhe sigurisht që me këtë temë është dashur të merret edhe Thomas Tuchel. Trajneri i Bluve ndërhyri dy ditë nga ndeshja shumë delikate të Premier Ligës kundër Liverpool-it: “Intervista e Lukakut? Nuk na pëlqen, na sjell një konfuzion që nuk na duhej – fjalët e tij – Nuk dua ta ekzagjeroj çështjen, është e lehtë të nxjerrësh disa deklarata jashtë kontekstit dhe të bësh tituj prej tyre, por ne duhet të kuptojmë pse ai i tha këto gjëra dhe çfarë fshihet pas kësaj”.

Tuchel u shfaq mjaft i mahnitur nga frazat e sulmuesit të tij: “Jam i habitur, edhe sepse nuk e shoh të pakënaqur këtu, përkundrazi. Do ta diskutojmë, por do ta bëjmë brenda dhomës së zhveshjes. Nëse jeni i tillë, lojtar i rëndësishëm si Romelu, jeni gjithmonë në qendër të vëmendjes. Duhet të dini se çfarë reagimesh provokojnë fjalë të tilla. Aq më tepër në një kohë kur ne nuk po fitojmë vazhdimisht”.