Turi me diasporën, Rama sot takim me shqiptarët në Nju Jork

Politikë | 2 vite më parë

Kryeministri Edi Rama do të zhvillojë sot (26 tetor) të parin takim me shqiptarët që jetojnë në SHBA.

Takimi organizohet në kuadër të turit të bashkëbisedimit me diasporën. Ky është i pari takim pas vendosjes të së drejtës së votës për çdo shqiptar jashtë Shqipërisë.

Më herët, Kryeministri Edi Rama ka ndarë në rrjetet sociale pamje nga Times Square, ku është vendosur logo e eventit të takimit me shqiptarët e Amerikës.

Në kuadër të turit të tij të bashkëbisedimit me diasporën, Rama është takuar me shqiptarët që jetojnë në Greqi si dhe shqiptarët në Itali, dy vendet me numrin më të lartë të emigrantëve shqiptarë.

Kryeministri Rama po ashtu ka njoftuar rikthimin në Greqi, këtë herë në Selanik, më 3 nëntor.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.