Gjirokastra është ndër qytetet më të preferuar të turistëve vendas e të huaj. Gjatë qëndrimit në këtë qytet, njihen me historinë, trashëgiminë kulturore, mënyrën e jetesës së banorëve etj.

“Unë së bashku me familjen time vijmë nga Amerika. Po qëndrojmë në Shqipëri prej gati 10 ditësh. Sot po vizitojmë Gjirokastrën. Në Shqipëri natyra është e mrekullueshme. Do të rikthehemi sërish në verë për të vizituar më shumë qytete”, shprehen turistët.

“Ne jemi nga Irlanda. Në Shqipëri jemi prej një jave. Kemi vizituar Tiranën, Beratin e më pas jemi ndalur në Vlorë, në rivierën shqiptare dhe tani jemi në Gjirokastër. Në Shqipëri na ka pëlqyer shumë riviera, ndërsa në Gjirokastër kështjella është madhështore, është fantastike, shumë e bukur”, thonë disa të tjerë.

“Në Shqipëri plazhet na kanë pëlqyer shumë. Janë shumë të bukur. Gjirokastra është vend mikpritës, njerëzit janë të mrekullueshëm”.

Për tërheqjen e një numri sa më të lartë, bashkia e këtij qyteti ka menduar që resurseve të krijuara ndër vite t’u shtojë edhe aktivitete të shumta.

Gjirokastra është dhe një prej dy qyteteve të Shqipërisë, të përfshira në Listën e Trashëgimisë Botërore të UNESKO-s.

/rtsh/