U zgjodh kryeministër i Malit të Zi, Abazoviç feston fitoren me këngë shqiptare

Rajon | 5 vite më parë

Dritan Abazoviç u zgjodh dje Kryeministër i Malit të Zi me votëbesimin e 45 deputetëve.

Pak orë pas zgjedhjes së qeverisë së re, kryeministri Abazoviç ka festuar fitoren duke kënduar dhe kërcyer këngën shqiptare “Ulqinake sa e mira je”, me një grup mbështetësish.

Me zgjedhjen e Abazoviçit kryeministër të Malit të Zi, Ballkani tashmë ka tre kryeministra shqiptarë.

Abazoviç i ka besuar Ministrinë e Administratës Publike Marash Dukajt, ndërsa Ministria e të Drejtave të Njeriut dhe Pakicave është propozuar për t’u drejtuar nga Fatmir Gjeka, i cili më herët ka drejtuar komunën e Ulqinit.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.