Ukraina po bën gjithçka që është e mundur për të shpëtuar tre shtetas të huaj, të cilët u dënuan me vdekje nga një gjykatë e autorizuar ruse për luftën për Ukrainën, tha një ligjvënës në komisionin parlamentar të sigurisë dhe mbrojtjes së Ukrainës, njofton BBC.

Britanikët Aiden Aslin dhe Shaun Pinner, dhe shtetasi maroken Saaudun Brahim, u kapën duke luftuar me ushtrinë ukrainase dhe u provuan si mercenarë.

“Si Ministria e Mbrojtjes dhe Drejtoria kryesore e Inteligjencës, që merret me shkëmbimin e të burgosurve, po marrin të gjitha masat e nevojshme për të siguruar shpëtimin e këtyre shtetasve të shteteve të huaja” tha Fedir Venislavskyi.

Ndërkohë, zëvendëskryeministrja Iryna Vereshchuk tha se ajo besonte se autoritetet separatiste do të vepronin përfundimisht në mënyrë racionale, “sepse ata janë të vetëdijshëm për implikimet e pariparueshme për ta dhe për rusët nëse ata marrin ndonjë hap të gabuar kundër këtyre tre ushtarëve tanë”.

“Diçka më thotë se, përfundimisht, në një mënyrë apo tjetër, herët a vonë, këta tre ushtarakë do të shkëmbehen (ose ndryshe do të kthehen në shtëpi)”, tha ajo në një postim në internet. (Sipas BBC)