Unaza e Madhe/ IKMT shkon të shembë banesën në Shkozë, familjarët kundërshtojnë dhe mbyllen brenda

Sociale | 4 vite më parë

Një banesë në zonën e Shkozës do të prishte nga IKMT për të vijuar projektin e ndërtimit të “Unazës së Madhe”. Teksa fadromat e IKMT kanë shkuar që në orët e para të mëngjesit për të nisur me ndërhyrjen, kjo është kundërshtuar nga familjarët, të cilët janë bllokuar brenda në banesë për të penguar shembjen e saj.

Kjo ka shkaktuar tensione mes forcave të policisë dhe familjarëve. Pronari i banesës bën të ditur se njoftimi për shembjen i ka ardhur vetëm dy javë para duke mos i lënë kohë mjaftueshëm për të hequr objektet nga shtëpia, ndërsa thotë se nuk ka marrë ende asnjë dëmshpërblim nga shteti.

Banorët kërkojnë strehim dhe shpronësim për banesat e tyre. Gjatë ditëve në vijim janë edhe 10-15 banesa të tjera që pritet të shemben pasi preken nga projekti i ndërtimit të “Unazës së Madhe”.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.