Varhelyi vjen nesër në Shqipëri, do vizitojë bypass-in e Vlorës

Politikë | 4 vite më parë

Komisioneri i BE-së për Fqinjësinë dhe Zgjerimin Oliver Varhelyi, do të vijë nesër në Shqipëri. Bëhet me dije se Varhelyi, i shoqëruar edhe nga kryeministri Edi Rama, do të vizitojnë bypass-in Vlorës, një vepër e financuar nga BE-ja.

Bashkimi Evropian ka mbështetur ndërtimin e bypass-it të Vlorës nëpërmjet një granti prej 20 milionë eurosh. Gjithashtu, Banka Evropiane e Investimeve (BEI) dhe Banka Evropiane për Rindërtim dhe Zhvillim (BERZH) po kontribuojnë me hua prej 18 milionë euro secila për këtë projekt.

Pas një vizite të shkurtër përgjatë bypass-it, Komisioneri dhe Kryeministri do të mbajnë edhe një konferencë për shtyp.

By-pass i Vlorës lidh autostradën Levan-Vlorë me rrugën nacionale bregdetare Vlorë-Sarandë. Gjatësia e këtij aksi është 29 km dhe fillon që nga rrethrrotullimi në fund të autostradës Levan-Vlorë.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.