Në Britaninë e Madhe, por jo vetëm, flamujt në të gjitha ndërtesat qeveritare dhe shërbimet publike si dhe në pallate, janë ulur në gjysmështizë në nderim të Mbretëreshës Elizabeth II.

Në shenjë zie, faqja e internetit e familjes mbretërore ka ndryshuar sfondin e saj në të zezë.

Në ambasadat britanike në vende të botës, flamuri britanik valëvitet në gjysmështizë dhe turma njerëzish lënë lule në hyrjet kryesore.

Shumë ndërtesa apo monumente u ndriçuan me ngjyrat e flamurit britanik. Në Francë, Kulla Eifel u errësua; në Brazil, statuja e Krishtit Shëlbues u ndriçua me ngjyrat e Union Jack; në Izrael, një imazh i flamurit u projektua në një ndërtesë qeveritare në Tel Aviv.

Në shenjë nderimi ndaj Mbretëreshës Elizabeth II, një nga dyqanet më të vjetra të Mbretërisë së Bashkuar do të mbajë mbyllur dyqanet e saj deri më 10 shtator. 

Mbretëresha Elizabeth II e Britanisë, monarkja më jetëgjatë në botë, vdiq në moshën 96-vjeçare në kështjellën Balmoral në Skoci më 8 shtator. Charles, Princi i Uellsit, djali i madh i mbretëreshës së ndjerë Elizabeth II, është bërë mbreti i ri i Mbretërisë së Bashkuar. Ai do të mbretërojë zyrtarisht nën titullin e Madhërisë së Tij Mbretit Charles III. Funerali i mbretëreshës do të bëhet 10 ditë pas vdekjes së saj.

/rtsh.al/