PD ka reaguar sërish, tashmë nëpërmjet një video, pas bashkimit në një koalicion të ish kryeministrit, Sali Berisha, me LSI. Sipas PD, ky koalicion është në funksion të interesave personale të Berishës dhe Metës. “Sot Sali Berisha u strehua te partia e Ilir Metës, e po i përdor demokratët për hallet e tij dhe të Ilir Metës“, citohet në njoftimin për shtyp ndarë nga PD.

“Shqipëria duhet të ndahet nga politika e vjetër që gjithçka e ka në funksion të interesave personale të politikanëve. Sot Sali Berisha u strehua te partia e Ilir Metës, e po i përdor demokratët për hallet e tij dhe të Ilir Metës. Demokratët e kanë kuptuar se Sali Berisha dhe Ilir Meta po i përdorin, prandaj çdo ditë demokratët po dinstancohen nga farsa Berisha. Tashmë jo vetëm për demokratët, por për të gjithë shqiptarët, është e qartë se nëse zgjedh Berishën e Metën merr Ramën, nëse zgjedh Ramën merr Berishën dhe Metën”, thuhet në njoftimin e PD.