Video/ Polici italian kryen një akt heroik, shpëton turisten holandeze që donte të vetëvritej

Botë | 4 vite më parë

Një polic italian në Venecia, ka bërë një akt heroik, duke shmangur një tragjedi. Agjenti Alberto Crispo ndodhej në kantierin e ndërtimit të Chiesa degli Scalzi në Venecia, ku, falë ndërhyrjes së tij të shpejtë, shpëtoi një turiste holandeze 20-vjeçare.

Ajo ishte ngjitur në strukturë e lartë të ndërtesës, duke kërcënuar se do të hidhej nga një lartësi prej 50 metrash.

“Nuk e mendova frikën, thjesht po mundohesha të arrija vajzën që gjendej mbi skela. Doja të flisja me të, por nuk kishte kohë. Sapo mbërrita, ajo e lëshoi veten të binte. E kapa nga krahu, e mbajta dhe më pas e tërhoqa lart”, tregoi ai për mediat.

Akti i policit italian u shoqërua me duartrokitje prej të pranishmëve në vendngjarje, që përjetuan momente ankthi, duke parë se çfarë po ndodhte nga sheshi i stacionit. /rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.