Alastair King-Smith është ambasadori i ri i Mbretërisë së Bashkuar të Britanisë së Madhe dhe Irlandës së Veriut në Tiranë.  Diplomati, i cili do të zëvendësojë ish-ambasadorin Duncan Norman, i ka dorëzuar sot letrat kredenciale Presidentit të vendit, Ilir Meta. Vetë Presidenca njofton se zoti Meta e ka pritur diplomatin e ri në kryeqytet në një takim të përzemërt dhe bisedë e hapur. 

Në takim Presidenti vlerësoi bashkëpunimin në fushën e sigurisë dhe mbrojtjes, si dhe theksoi domosdoshmërinë për forcimin e mëtejshëm në ekonomi dhe tregti. Sa i përket lidhjes midis dy shteteve Meta nuk ngurroi të falënderonte në emër të të gjithë shqiptarëve për mundësitë që u janë krijuar për të emigruar.  “Mirënjohje të thella për ndihmën e vyer”, kështu u shpreh presidenti i Republikës.  Ambasadorit Alastair King-Smith nuk i mungoi urimi për detyrën që i është ngarkuar dhe njëkohësisht siguria e plote  në marrëdhënie të forta e të qëndrueshme.

Ambasadorja amerikane Yuri Kim, i uron mirëseardhjen ambasadorit britanik: Mezi pres që të punoj me ju!