Vrasja e Kirk, Trump: Mendoj se e kemi kapur autorin

Amerikë | 1 vit më parë

Presidenti i SHBA-së, Donald Trump, ka njoftuar se autori i vrasjes së aktivistit konservator Charlie Kirk është arrestuar. Trump theksoi se autori i krimit është në paraburgim dhe se është një individ “rreth 28-29 vjeç”.

“Mendoj se me një shkallë të lartë sigurie e kemi atë në paraburgim”, tha Trump.

Gjatë një interviste televizive, Trump tha se “dikush shumë i afërt” me të dyshuarin e dorëzoi atë në polici.

“Babai e bindi të birin,” tha Trump.

Aktivisti konservator dhe aleati i ngushtë i Presidentit Donald Trump, Charlie Kirk, u qëllua për vdekje të mërkurën (10 shtator) në një aktivitet të kolegjit të Utah-ut.

Autori dyshohet se qëlloi me armë nga çatia e një ndërtese në oborrin ku Kirk po mbante fjalën e tij. Rreth 3,000 persona ishin të pranishëm në event.

/rtsh.al/

SHBA

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.