Vrau Gjin Ndojin në Shkodër në 2020, arrestohet në Emiratet e Bashkuara Denis Bajri

Aktualitet | 3 vite më parë

Arrestohet në Emiratet e Bashkuara Denis Bajri, 36 vjeç, i cili ishte shpallur në kërkim ndërkombëtar nga SPAK për atentatin ndaj Gjin Ndojit në Shkodër në 2020.

Pas lokalizmit të tij në Emiratet e Bashkuara është arrestuar 36-vjeçari Bajri me qëllim ekstradimin e tij në Shqipëri. Denis Bajri prej kohësh fshihej në Emiratet e Bashkuara, ndërsa kërkohej në kuadër megaoperacionit “Metamorfoza”.

SPAK akuzon Denis Bajrin si autor të vrasjes së Gjin Boriçit (Ndoji) më datë 09.08.2020, në Shkodër.

Gjin Ndoji u ekzekutua me plumb në kokë në fshatin Shjezë, ndërsa trupi i tij i pajetë u gjet pak metra larg automjetit tip “BMË”, që viktima kishte marrë me qira pak ditë para vrasjes. Pas metra larg vendit ku u qëllua për vdekje Gjin Ndoji u gjet e djegur edhe makina që ishte përdorur nga autorët.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.