Një shpërthim në Gazën jugore vrau tetë ushtarë izraelitë, tha ushtria të shtunën, duke e bërë atë sulmin më vdekjeprurës ndaj forcave izraelite në muajt e fundit.

Sulmi, që vjen më shumë se tetë muaj në një luftë të ashpër që tregon pak shenja të përfundimit së shpejti, ka të ngjarë të nxisë thirrje të reja për një armëpushim nga protestuesit izraelitë.

Banorët në periferi të qytetit të Gazës thanë se sulmet ajrore izraelite goditën dy shtëpi duke vrarë të paktën 15 vetë. Katër të tjerë u vranë në sulme të veçanta në jug, thanë autoritetet shëndetësore që kontrollohen nga Hamasi.

Ushtria izraelite tha të shtunën se forcat e saj në qytetin Rafah, afër kufirit me Egjiptin, kishin kapur sasi të mëdha armësh, një pjesë të fshehura në rrjetin e gjerë të tuneleve të ndërtuara nga Hamasi.

Luftimet vazhdojnë në një kohë që përpjekjet për të arritur përparim drejt një armëpushimi dështuan.

Të premten, në kufirin verior të Izraelit me Libanin u shënuan rritje të tensioneve.

AP