Katër izraelitë janë vrarë në një sulm me armë pranë një vendbanimi në Bregun Perëndimor ndërsa katër të tjerë u plagosën nga një grup i armatosur palestinezë të cilët hapën zjarr në një pikë karburanti në një autostradë jashtë Elit.

Ushtria izraelite tha se sulmuesit ishin “terroristë të lidhur me Hamasin”. Njëri u qëllua për vdekje në vendngjarje nga një civil i armatosur, ndërsa i dyti u arratis me një makinë të vjedhur dhe më pas u vra nga forcat izraelite në qytetin Tubas.

Kryeministri i Izraelit tha se “të gjitha opsionet janë të hapura” në përgjigje të atij që ai e quajti “sulm terrorist tronditës dhe i neveritshëm”, i cili pasoi dhunën e shtuar në Bregun Perëndimor në ditët e fundit.

Të shtënat e së martës ndodhën në jug të Elit në autostradën 60, rruga kryesore midis qyteteve palestineze Ramallah dhe Nablus.

Zëdhënësi i Forcave të Mbrojtjes të Izraelit (IDF) kundëradmirali Daniel Hagari tha në një deklaratë se dy personat e armatosur mbërritën me një makinë nga fshati Urif, rreth 10 km në veri citon BBC.

/rtsh.al/