Vritet me thikë në kopshtin e shtëpisë së tij ish-kryebashkiaku italian

Botë | 4 vite më parë

Ish kryebashkiaku i Corte Palasio, Pierangelo Repanati është vrarë në shtëpinë e tij, ku persona ende të panjohur i kanë prerë fytin me thikë. Ngjarja ka ndodhur mbrëmjen e 27 qershorit pak pasi kishte kaluar ora 22.00.

57-vjeçari ka qenë në kopshtin e shtëpisë së tij në Corte Palasio, ku fqinjët dëgjuan ulërimat dhe britmat për ndihmë. Pasi shkuan pranë banesës së tij gjetën trupin e pajetë të ish kryebashkiakut, njëherësh edhe gazetar të pajetë.

Nuk dihen ende shkaqet e ngjarjes, por hetuesit mendojnë se persona mund të kenë hyrë për të grabitur shtëpinë e tij dhe në momentin që janë parë nga ish kryebashkiaku e kanë vrarë atë.

Pierangelo Repanati nga viti 2004 deri në vitin 2009 ka mbajtur postin e kryetarit të bashkisë në Corte Palasio, ndërsa profesioni i tij ishte gazetar.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.