Vritet një ish-ushtar britanik, i cili luftonte për forcat e armatosura të Ukrainës

Botë | 4 vite më parë

Një ish-ushtar britanik është vrarë duke luftuar për forcat e armatosura të Ukrainës. Sipas BBC, lajmi është bërë publik nga familja e tij. Jordan Gatley u largua nga ushtria britanike në mars dhe udhëtoi për në Ukrainë. Ai u përshkrua si “një hero” nga babai i tij Dean në një homazh në mediat sociale.

Ai vdiq në betejën për qytetin lindor të Severodonetsk, i cili ka pasur luftime intensive ditët e fundit. Babai i Gatley-t shkroi në një postim në Facebook se djali i tij kishte ndihmuar në trajnimin e forcave lokale. Ai shtoi se Jordan u qëllua për vdekje në vijën e frontit, ndërsa mbronte qytetin.

“Të gjithë e donin atë, ashtu si ne, dhe ai bëri një ndryshim masiv në jetët e shumë njerëzve, jo vetëm duke u ushtuar, por edhe duke trajnuar forcat ukrainase”, thuhet në deklaratën e familjes.

(BBC)

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.