Presidenti i Serbisë, Aleksandar Vucic (Vuçiq) është takuar këtë të martë në Athinë (22 gusht) me homologun ukrainas Volodymyr Zelenskyy (Zelenski).

Në takimin kokë-më-kokë, Vuçiq ka garantuar se Serbia respekton integritetin territorial dhe sovranitetin e Ukrainas.

“Kam pasur një bisedë të hapur me Zelenskin, ai e pyeti se si mendojnë njerëzit në Serbi dhe pse është kështu. Unë përsërita se Serbia respekton integritetin territorial të Ukrainës, ndryshe nga disa që respektojnë integritetin territorial të Ukrainës, por jo të Serbisë,” tha Vuçiq teksa shtoi se me Zelenskin ka biseduar edhe për bashkëpunimin dypalësh.

Por ndonëse Vuçiq deklaroi se respekton integritetin territorial të Ukrainës, ai nuk ka rënë dakord me liderët e Ballkanit për zbatimin më efektiv të sanksioneve kundër Rusisë.

“Nuk mund të citoj, por ka një paragraf të tërë për të dhe ka pasur një tjetër, kam folur për të, por do t’ju lexoj saktësisht – por kjo ishte biseda e mikpritësit tonë dhe të gjithë të tjerëve, si shkon. rrotull, varion versioni i parë, pastaj versioni i ndërmjetëm, pastaj versioni i tretë e kështu me radhë. Nuk është e thjeshtë dhe jo gjithmonë e lehtë, por shikoni se sa mund të mbroni interesat e vendit tuaj. Kjo është ajo që është e rëndësishme”, tha presidenti.

Vuçiq dhe Zelenski ndodhen në Athinë në kuadër të takimit informal të mbajtur një ditë më parë në Athinë, organizuar nga kryeministri grek, Kyriakos Mitsotakis.

/rtsh.al/