Ish presidenti Ilir Meta, kreu i Partisë së Lirisë në opozitë e ka konsideruar “akt të paralajmëruar të Edi Ramës” vendimin e Gjykatës së Apelit për të rikthyer për gjykim çështjen e legjitimitetit të grupeve drejtuese të PD. 

“Akti i paralajmëruar i Edi Ramës përmes gjykatës së kapur nuk e ndryshon dot fatin e tij” shkruan zoti Meta në status në rrjetin social Facebook.

“Edi Rama ky frikacak i tmerruar nga zgjedhjet do ta ketë opozitën fitimtare përballë tij në 14 maj shumë më të motivuar dhe shumë më të organizuar se kurrë më parë. Fitorja nuk ndalet! ” shkruan zoti Meta.

Në mitingun e sotëm të opozitës zoti Meta, i cili ishte në krah të zotit Sali Berisha që udhëheq grupimin e quajtur Rithemelimi,  tha se “Ne nuk do të ndalemi, deri në rrëzimin përfundimtar të kryeministrit shpopullues dhe varfërues të shqiptarëve” .  Më parë zoti Meta kishte deklaruar se “Çështja e vulës së PD-së nuk është çështje e demokratëve, por e vetë demokracisë”.

/ rtsh.al /