Betja ligjore se kush ka të drejtë ligjërisht të përfaqësojë Partinë Demokratike, ka njohur sot një zhvillim tjetër. Ditën e sotme, në Gjykatën e Apelit u zhvillua seanca për statutin e Partisë Demokratike.

Grupi i  deputetëve të Alibeaj paraqiti fillimisht kërkesën për dorëheqjen e gjyqtares së çështjes, Irida Kacerja, me pretendimin se çështja mund të paragjykohet nga ana e saj. Sipas tyre, Kacerja kërkoi në seancën e mëparshme të rregullonte prokurën e përfaqësimit, sipas statutit të PD-së.

Nëpërmjet një njoftimi nga Gjykata e Apelit në Tiranë  bëhet e ditur se sot u zhvillua seanca gjyqësore, lidhur me ankimin e Partisë Demokratike të Shqipërisë.

“Përfaqësuesi i PD, av. Rezart Kthupi paraqiti një kërkesë të nenshkruar nga Sekretari i Pergjithshem i PD, Gazmend Bardhi, me të cilën u kërkua përjashtimi i gjyqtares relatorë, Irida Kacerja. Si shkak i përjashtimit u referua vendimi i ndërmjetëm i gjykatës, për të paraqitur autorizimin për përfaqësim, konform normave të statutit të PD. Gjyqtarja relatore nuk vleresoi se kishte shkaqe papajtueshmerie. Gjykata e Apelit Tiranë, me vendim të ndërmjetëm, vendosi të shtyjë seancën për në date 17.01.2023, ora 9:00. Ndërkohë do të caktohet me short gjyqtari që do të shqyrtojë kërkesën për përjashtim, për të cilin do të njoftoheni menjëherë.”- thuhet në njoftim.

/rtsh.al/