Ambasadorja amerikane Yuri Kim është takuar në Uashington me 5 ish-ambasadorët e SHBA në Shqipëri, Bill Ryerson, Marisa Lino, Jim Jeffrey, Marcie Ries, Alex Arvizu

Ambasadorja Kim thotë se ajo që i bashkon është besimi se lidhja midis popullit amerikan dhe atij shqiptar është e veçantë.

“Një takim i mrekullueshëm në Uashington me ish Ambasadorët e Shteteve të Bashkuara në Shqipëri – Bill Ryerson, Marisa Lino, Jim Jeffrey, Marcie Ries, Alex Arvizu. Secili prej nesh ka patur përvoja të ndryshme përgjatë 31 vjetëve që prej kohës kur populli shqiptar u çlirua nga zinxhirët e diktaturës komuniste, por një gjë e kemi të përbashkët: besimin se lidhja midis popullit amerikan dhe shqiptar është vërtet e veçantë, admirim për sa shumë shqiptarët kanë arritur pavarësisht mundësive dhe optimizëm të vazhdueshëm për të ardhmen. 🇺🇸 ❤️ 🇦🇱 💪!” Ambasadorja e Shteteve të Bashkuara Yuri Kim”, shkruan Ambasada Amerikanë në rrjetin social Facebook.

/rtsh.al/