Zelensky: Kemi rikthyer më shumë se 2,500 ukrainas të burgosur nga Rusia

Botë | 3 vite më parë

Presidenti ukrainas Volodymyr Zelensky ka deklarura se 2,526 ukrainas janë rikthyer në atdhe pas shkëmbimit të të burgosurve të luftës që nga fillimi i pushtimit rus.

Sipas deklaratave të zyrtarëve në Moskë dhe Kiev, Rusia dhe Ukraina shkëmbyen më shumë se 200 robër lufte përgjatë ditëve të fundit.

95 të kthyerit e Ukrainës janë të burgosur lufte të kapur në ishullin e gjarpërinjve dhe nga fabrika e çelikut Azovstal në Mariupol, mes një numri vendesh të ndryshme, sipas ndihmësit presidencial Andrii Yermak, transmeton CNN.

“Sa herë që i kthejmë njerëzit tanë nga robëria ruse, kujtojmë qëllimin tonë themelor: nuk do t’i lëmë armikut asgjë tonën, asgjë nga Ukraina” tha Zelensky në një postim në Twitter.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.