Kremlini ka konfirmuar sot se presidenti rus Vladimir Putin është gjallë, pas pikëpyetjeve që ngriti presidenti ukrainas Voldymyr Zelensky nëse kreu i Moskës vijonte të ishte në jetë apo jo.

Këtë pretendim Zelensky e ngriti gjatë fjalimit të tij në Forumin Ekonomik Botëror të Davosit teksa theksoi se “unë nuk e di se a është ende gjallë ose është ai që po i merr vendimet”.

Sipas Zelensky ajo që ka ndodhur me Ukrainën është një tragjedi e madhe dhe se “negociatat në vetvete nuk kanë të bëjnë me paqen”.

Nga ana tjetër, zëdhënësi i Kremlinit, Dmitry Peskov, kundërshtoi çdo pretendim se Putini nuk ishte gjallë, transmeton Fox News. 

“Është e qartë se si Rusia ashtu edhe Putini janë një problem i madh për Ukrainën dhe Zelenskyn. Dhe është e qartë se si psikologjikisht Zelensky preferon që të mos ekzistojnë as Rusia dhe as Putini”, është shprehur Peskov.

/rtsh.al/