Zelensky thirrje Gjeorgjisë: Lironi ish-presidentin Mikheil Saakashvili, duhet të mjekohet

Botë | 3 vite më parë

Presidenti ukrainas Volodymyr Zelensky i ka bërë thirrje qeverisë gjeorgjiane që të lirojë ish-presidentin e Gjeorgjisë, Mikheil Saakashvili, i cili mbahet i burgosur prej më shumë se një viti.

Saakashvili, i cili është edhe shtetas ukrainas ka shërbyer si kreu i Komitetit Ekzekutiv për Reformën e Zelenskyt.

Ai u arrestua në vitin 2021 pasi u kthye në Gjeorgji dhe u burgos mbi ato që ai tha se ishin akuza të sajuara për shpërdorim detyre dhe përvetësim.

Shëndeti i tij u përkeqësua rëndë pas dy grevave të urisë. Zelensky tha se ndalimi i tij i zgjatur përbënte një dënim me vdekje.

“Asnjë qeveri në Evropë nuk ka të drejtë të ekzekutojë njerëz”, tha ai.

Zelensky shtoi se Kievi kishte thirrur ambasadorin e Gjeorgjisë në Ukrainë për të shprehur protestën dhe për t’i kërkuar që të largohej nga Ukraina brenda 48 orëve.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.