Emmanuel Macron do të bëhet presidenti i parë francez në 20 vjet që do të fitojë një mandat të dytë, pasi një projeksion zyrtar i votimit tregoi se ai ka fituar sfidën me Marine Le Pen raporton SKYnews.

Rezultati i parashikuar nga Ipsos tregoi që Macron të merrte 58.2% të votave krahasuar me 41.8% të zonjës Le Pen.

Brohoritjet shpërthyen në këmbët e Kullës Eifel ku mbështetësit e presidentit festuan rizgjedhjen e tij.

Në festën e fushatës së kundërshtarit të tij shpërthyen zhurmat dhe bilbilat.

Dyshja Makron – Le Pen u shfaqën si kryesues pas raundit të parë të votimit dy javë më parë, kur vendit iu kërkua të zgjidhte mes një fushe prej 12 kandidatësh.

Që atëherë, ata kanë kaluar dy javë duke bërë fushatë për një sërë temash, megjithëse një fokus i madh është vendosur nga të dy kandidatët se si Franca mund të përballet më së miri me rritjen e kostos së jetesës.

Gjithashtu ka pasur një fokus të rëndësishëm në çështjet e jashtme, imigracionin dhe kohezionin social.

Shumë nga ata që zgjodhën Macron besohet se e kanë bërë këtë për të mbajtur larg zonjën Le Pen.

Politikat e diskutueshme si ndalimi i shamisë muslimane në publik dhe lidhjet e saj me Rusinë u panë si faktorë kryesorë.

Megjithatë, mbështetja e kandidates së ekstremit të djathtë në Francë është rritur gjatë kësaj fushate në nivelin e saj më të lartë ndonjëherë – megjithëse duket se mund të mos ketë qenë e mjaftueshme.