Kreu i Partisë për Drejtësi, Integrim dhe Unitet, Shpëtim Idrizi ka zhvilluar një takim me Presidentin Bajram Begaj lidhur me konsultimet që kreu i shtetit po zhvillon për vendosjen e një date për mbajtjen e zgjedhjeve vendore 2023.

Idrizi tha për mediat se më shumë rëndësi se sa data kanë vendosja e standardeve dhe zhvillimin e  zgjedhjeve demokratike.

“Duket se këto zgjedhje do të shoqërohen me të gjitha problematikat që kanë pasur. Ndava me presidentin që ndoshta jemi vonë për produktin e Territoriales dhe Zgjedhores. Edhe raporti i ODIHR ka adresuar një sërë problemesh me shit-blerjen e votës, me votën e emigrantëve, me votimin elektronik”, tha Idrizi.

Më herët presidenti Begaj u takua me kreun e grupit parlamentar të PS, Taulant Balla, i cili tha se për PS nuk ka rëndësi një datë konkrete për zgjedhjet vendore, por që Presidenti të marrë në konsideratë të gjitha propozimet.

/rtsh.al/