Ruajtja e vlerave perëndimore të PD-së, nëpërmjet bashkimit të pjesëve të saj, ka qenë në qendër të një takimi që deputeti Agron Gjekmarkaj, ka zhvilluar me Kryetarin e Komisionit për çështjet Evropiane, në Bundestagun gjerman, Gunther Krichbaum.

Nëpërmjet një postimi në FB, Gjekmarkaj shprehet se takimi me zyrtarin e lartë gjerman është një ndër takimet më të frytshme dhe realiste mbi çështjet akute të integrimit evropian dhe linjave të politikës, drejt hapave negociues me BE.

“Tema ishin edhe trajektoret e demokracisë së brendshme, reforma në drejtësi, zhvillimi ekonomik. Pikë kyçe në bashkebisedimin tonë ishin  zhvillimet në Partinë Demokratike, mundësitë dhe format që duhen eksploruar për bashkimin e pjesëve të saj, duke ruajtur vlerat perëndimore mbi të cilat ajo është themeluar. Ndihma që vjen nga miku gjerman dhe CDU -CCU është mëse e mirëpritur.”, shkruan Gjekmarkaj.

/rtsh.al/