Mes temperaturave ekstremisht të larta, Greqia nuk po gjen qetësi nga zjarret në të gjithë vendin. Situata paraqitet kritike në Mytilinit në ishullin e Lesbos, ku flakët po përhapen me shpejtësi, duke djegur me dhjetëra shtëpi.

Zjarri ka mbërritur në plazhin e Vaterës , ndërsa banorëve të zonës i është dërguar mesazh që të evakuohen në drejtim të Polichnitos.

“Shumë shtëpi janë djegur dhe të tjera janë në rrezik nga zjarri, sepse ka arritur në zonat e banuara. Në zonë fryn erë e fortë, por papritur era ka ndryshuar drejtim duke i çuar flakët drejt zonave të banuara. Përveç banorëve të zonës, ne kemi edhe turistë në zonë”, tha kryebashkiaku i Lesbos Perëndimor Taxiarchis Verros.

Në bregdetin e Vaterës kanë mbërritur varkat e rojës bregdetare, të cilat nëse do të jetë e nevojshme do të evakuojnë njerëzit.

Aktualisht në fronte po operojnë 81 zjarrfikës me 5 grupe repartesh këmbësorie, 19 automjete, 7 avionë dhe 1 helikopter./ CNN.gr

/rtsh.al/