Zjarri përfshin banesën në Kurbin, dëme të mëdha materiale

Aktualitet | 7 muaj më parë

Një banesë është përfshirë nga flakët gjatë natës në Fushë-Mamurras të Kurbinit, duke u shkrumbuar pothuajse plotësisht.

Ngjarja ka ndodhur rreth mesnatës dhe banesa i përket shtetasit L.T.

Sipas informacioneve paraprake, flakët janë përhapur me shpejtësi, duke shkaktuar dëme të konsiderueshme materiale.

Menjëherë pas njoftimit, në vendngjarje kanë mbërritur forcat zjarrfikëse të Laçit, të cilat kanë ndërhyrë për shuarjen e zjarrit dhe kanë bërë të mundur izolimin e tij, duke shmangur përhapjen në banesat përreth.

Paraprakisht dyshohet se shkaku i zjarrit mund të ketë qenë një shkëndijë elektrike, ndërsa grupi hetimor po punon për zbardhjen e plotë të rrethanave të ngjarjes.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.