Zyrtare: Borussia Dortmund i beson stolin kroatit Niko Kovac

Gjermani | 2 vite më parë

Borussia Dortmund ka zgjedhur zëvendësuesin e Nuri Sahin. Është Niko Kovac, 53 vjeç, ai që do të marrë drejtimin e skuadrës duke nisur nga e diela e ardhshme, pas ndeshjes së Bundesligës në Heidenheim. Trajneri kroat ka nënshkruar deri më 30 qershor 2026.

“Kovac sjell me vete vëllain e tij dhe ish-lojtarin e BVB-së, Robert Kovac dhe Filip Tapalovic: ata do të jenë ndihmës trajnerë të tetë herë kampionëve të Gjermanisë. Kovac ka përvojë kombëtare dhe ndërkombëtare si trajner. Ai fitoi dopietën me Bayern Munich në 2019 dhe udhëhoqi klubin francez të divizionit të parë Monaco në finalen e kupës në 2021”, thuhet në deklaratë.

Borussia Dortmund do të prezantojë zyrtarisht Niko Kovac në një konferencë për shtyp javën e ardhshme.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.