Kim Min-Jae përshëndet Napolin. Me një mesazh në rrjetet sociale dhe me një video ku përmbledh bëmat e tij me fanellën e Napolit, mbrojtësi korean i falenderoi të gjithë për aventurën që jetoi në Itali. Vetëm një vit por i paharrueshëm me fitoren e titullit që përmendi Kim në postimin e tij të gjatë dhe emocionues në Instagram i karakterizuar nga ndërhyrjet, ndalimet, topat e gjatë, golat dhe çdo detaj tjetër i sezonit të tij me ngjyrat e Napolit. Menjëherë pas kësaj erdhi njoftimi zyrtar nga Bayern.

Përmes një njoftimi zyrtar për shtyp, Napoli njoftoi kalimin e Kim te Bayern. Më poshtë deklarata e klubit: “SSC Napoli zyrtarizoi transferimin përfundimtar të Kim Min-Jae te Bayern Munich”. Ndërkohë, klubi bavareze ka njoftuar mbërritjen e tij me një video në Tëitter, në të cilën shfaqet me një bluzë me shkrimin “2028”, duke dëshmuar për kontratën pesëvjeçare të nënshkruar me bavarezët.