25 të vrarë nga sulmet izraelite

Botë | 2 vite më parë

Të paktën 25 persona humbën jetën sot nga sulmet izraelite, sipas autoriteteve libaneze.

Pa dhënë një shifër të saktë, Ministri i Shëndetësisë Firass Abiad deklaroi në një konferencë shtypi se numri i të plagosurve ishte shumë më i lartë.

Abiad theksoi se të gjitha palët ishin të interesuara për një zgjidhje diplomatike, “por vetëm njëra palë vazhdon sulmet e saj pa dallim kundër civilëve”.

Agjencia shtetërore e lajmeve NNA raportoi më herët që një familje me nëntë anëtarë kishin mbetur të vrarë nga sulmet kundër qytezës Shebaa pranë kufirit me Izraelin. Në mesin e viktimave kishte gra dhe fëmijë, sipas agjencisë së lajmeve,

Sipas autoriteteve, më shumë se 700 njerëz kanë humbur jetën që prej rifillimit të sulmeve të rënda të Izraelit kundër Libanit.

/ rtsh.al /

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.