Kryeministri Edi Rama e ka nisur mëngjesin e së enjtes duke publikuar në rrjetet sociale foto nga punimet në Tunelin e Llogarasë. Kreu i qeverisë tha se deri më tani janë hapur mbi 1200 metra me një ritëm shumë të lartë, falë edhe terrenit të favorshëm për ecurinë.

“Mirëmëngjes dhe me Tunelin e Llogarasë, ku janë hapur mbi 1200 metra me një ritëm shumë të lartë, falë edhe një formacioni gjeologjik deri këtu tejet të favorshëm për ecurinë e punës, ju uroj një ditë të mbarë”, shkruan Rama.

Tuneli i Llogorasë ka gjatësi 5.9 km. Ky tunel nis nga ura e Shën Elizës në zonën e Dukatit deri në urën e Palasës.

Sipas llogaritjeve, duke kaluar përmes tunelit prej 5.9 km, me një shpejtësi 50-80 km/orë, do të bënte që kjo rrugë të përshkohej për 7-10 minuta.

Tuneli hap një portë të re në jug të vendit, që synon ta kthejë jugun e Shqipërinë në një atraksion turistik jo vetëm për vendin, por për të gjithë rajonin dhe pse jo edhe për Mesdheun.

Në buxhetin e këtij viti, fondi i llogaritur për Tunelin e Llogorasë është 4.67 miliardë lekë. Tuneli do të kushtojë 140 milionë euro.