Aeroplanmbajtësja e Marinës së SHBA-së, USS Theodore Roosevelt, po vijon marshimin e saj strategjik drejt Lindjes së Mesme.

Pamjet satelitore të analizuara nga rrjeti mediatik Al Jazeera pikasën grupin e sulmit të udhëhequr nga aeroplanmbajtësja të mërkurën, të shoqëruar nga katër anije ushtarake, në jug të Ishujve Spratly në Detin e Kinisë Jugore, çka konfirmon përparimin e saj drejt rajonit.

Nisja e ushtrisë amerikane nisi më 27 shtator nga baza detare e San Diegos në Kaliforni. Përpara se të merrte rrugën drejt Detit të Kinisë Jugore, grupi ushtarak bëri një ndalesë në bazën amerikane në Yokosuka të Japonisë për të marrë pjesë në stërvitje ushtarake.

Sipas medias amerikane Axios, cila citon një zyrtar të lartë ushtarak, aeroplanmbajtësja do të qëndrojë për disa ditë në Singapor duke filluar nga kjo e premte.

Mbërritja e saj përfundimtare në zonën e përgjegjësisë së Komandës Qendrore të SHBA-së (CENTCOM) nuk pritet të ndodhë përpara mesit të muajit nëntor.

/rtsh.al/