Samiti i NATO-s, Rama diskutime me presidentin bullgar Radev: Mbase sot lajmi i mirë

Kryeministri Edi Rama ka paralajmëruar një lajm të mirë për Shqipërinë gjatë ditës së sotme, edhe pse nuk ka bërë të tjera komente. Duke postuar pjesë nga takimet e tij në samitin dy ditor të NATO-s në Madrit, Rama shihet kur ‘diskuton gjatë’ me presidentin e Bullgarisë, Rumen Radev.
Nga takimi i tyre ‘kokë më kokë” dhe pas heqjes së vetos bullgare për Maqedoninë e Veriut, “lajmi mirë” i paralajmëruar nga Rama mund të jetë edhe caktimi i një date për mbajtjen e konferencë së parë ndërqeveritare për Shqipërinë dhe Maqedoninë e Veriut.
“Mbase sot lajmi i mirë…”, shkruan Kryeministri krah videos dhe fotove të publikuara nga samiti.
Gjithashtu në ditën e dytë të punimeve të samitit të NATO-s në axhendën e kryeministrit Rama është edhe ceremonia e nënshkrimit të marrëveshjes me Enagás, e cila është një kompani spanjolle energjetike dhe operator evropian i sistemit të transmetimit, i cili zotëron dhe operon rrjetin e gazit të Spanjës.
Megjithatë mbetet për t’u mësuar se kush është lajmi i mirë.

/rtsh.al/
Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.
Komentet 0
Ende nuk ka komente. Bëhuni i pari që komenton.




