Ngrohja në shkolla, Plepi: Asnjë shkollë me gaz, po monitorojmë procesin

Sociale | 2 vite më parë

Duke nisur nga java e ardhshme çdo institucion shkollor duhet te jetë i pajisur me ngrohje. Zyra vendore arsimore Shkodër bën me dije se është ne ndjekje të këtij procesi dhe bazuar tek politikat e ministrisë së arsimit asnjë shkollë nuk duhet të ketë ngrohje me gaz.

“Jemi në monitorim të politikave që vijnë nga Ministria e Arsimit ku është fokusi që të mos kenë në shkollë ngrohje me gaz. Në administrimin tonë kemi gjithsej 76 shkolla të cilat monitorohen nga ne”, u shpreh Specialisti i kurrikulës, ZVAP Shkodër, Eduard Plepi.

Nga data 15 nëntor e deri më 15 mars pushteti vendor duhet të sigurojë ngrohje të mjaftueshme në shkolla. Ngrohja këtë vit mendohet të jetë me dru ose me kaldaja. Pjesë e zyrës vendore arsimore Shkodër janë 76 institucione shkollore.

/RTSH/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.