Nis korrja e misrit në Maliq, fermerët shtojnë sipërfaqet e mbjella

Sociale | 2 vite më parë

Fermerët e fushës së Maliqit kanë nisur tashmë korrjen e misrit, një ndër kulturave kryesore të prodhuara nga fermerët. Kushtet atmosferike kanë qenë të favorshme për kryerjen e këtij procesi bën me dije Drejtori i Bujqësisë dhe Mbrojtjes së Bimëve në bashkinë Maliq.

“Korrja e prodhimit po vazhdon në masë dhe e kanë favorizuar dhe kushtet atmosferike dhe temperaturat e larta. Vazhdon korrja me kalli që depozitohen në hangar”, u shpreh drejtori i Bujqësisë, bashkia Maliq, Arben Dulellari.

Dulellari thotë se shtimi i sipërfaqeve të mbjella me misër këtë vit ka ardhur si shkak i kërkesave në treg por edhe sepse prodhimi ka qenë cilësor, duke qenë se fermerët zgjedhin kultivarë që japin rendiment.

Sipërfaqet e mbjella me misër këtë vit në fushën e Maliqit shkuan nga 1362 HA që ishin një vit më pare, në rreth 3500 HA. Në qarkun e Korçës kultura e misrit zë një sipërfaqe toke të konsiderueshme me rreth 6 mijë hektarë të mbjella.

Gazetare:G. Sali

/RTSH/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.