6 kostume popullore për Gjirokastrën, projekti u mbështet nga Ministria e Kulturës

Sociale | 2 vite më parë

Bashkisë Gjirokastër i dhurohen 6 kostume popullorë nga artizania Lizeta Hatika. Janë veshjet e gruas dhe burrit gjirokastrit të punuara me mjeshtëri prej saj me të gjithë elementet dhe motivet që i karakterizojnë. Realizimi i tyre u arrit falë një projekti të financuar nga Ministria e Kulturës.

Kryebashkiaku Flamur Golemi, ndërsa ka shprehur mirënjohjen për këtë dhuratë të veçantë, tha se tashmë misioni është ta promovojnë veshjen gjirokastrite nëpër botë. Dy prej kostumeve do të vazhdojnë të rrinë të ekspozuar në zyrën e tij, si dera që vazhdimisht pret vizita nga delegacione të huaja.

Gjatë dy viteve të fundit Lizeta ka punuar kostume popullorë për Qendrën Kulturore të Fëmijëve, por edhe për dy shkollat “Petro Poga” dhe “Pandeli Sotiri”, me financim nga ministritë e kulturës dhe turizmit.

Gazetare: Y.Ponde

/RTSH/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.