Mbi 100 raste pacientësh, të prekur nga gripi stinor paraqiten në poliklinikën e Lushnjës në një ditë. Mjekët pohojnë se fluksi i përhapjes së gripit do të jetë në rritje në ditët në vijim. Për të mbrojtur popullatën dhe për ti paraprirë përhapjes masive, drejtoria e Shëndetit Publik ka marrë 22 mijë doza vaksine.

Prioritet në vaksinim kanë punonjësit e shëndetësisë dhe të sëmurët kronikë. Sipas krye-vaksinatores Mimoza Kote, moshat mbi 60 vjeç dhe gratë shtatzënë kanë shprehur interes për vaksinën anti grip.

Drejtoria e Shëndetit Publik kërkon që e gjithë popullata e Lushnjës të vaksinohet, sepse edhe numri o dozave është i mjaftueshëm.

Shpërndarja e tyre ka nisur për çdo qendër shëndetësorë në fshat e qytet, madje promovim është bërë edhe nëpër banesa sidomos për familjet që kanë persona që nuk mund të lëvizin.

Vaksina e gripit mbron personat një vit nga virusi dhe ajo e 20224-ës  është 4 valente .Periudha  e dimrit është koha e pikut të përhapjes ndaj për të krijuar trupi imunitet vaksinimi bëhet disa javë më herët.

/RTSH/