Rreth 30 mije turistë kanë vizituar Kukësin gjatë sezonit  veror ku ndryshe nga vitet e tjerë për vizitorët ka pasur më shumë  hapësira akomoduese, siç janë bujtinat.

“Është përmirësuar infrastruktura akomoduese, emigrantët po kthehen dhe po investojnë. Pjesë e mirë e turistëve që na frekuentojnë janë turistë që preferojnë jetesën vendase. Guida kanë përmirësuar infrastrukturën e këtyre grupeve që vijnë”, u shpreh Përgjegjësi i sektorit të turizmit, Besart Halilaj.

Një ndihmesë sa i përket turistëve janë dhe guidat ku për këtë sezon janë licencuar 14  guida shoqëruese. Pikat turistike  më të frekuentuara në  Bashkinë Kukës mbeten Shtegu i ngjyrave, mali i Gjalicës e të tjerë.

Vite pas vitesh në pikat turistike numri i vizitorëve ka qenë gjithnjë në rritje, për shkak të bukurive  të shumta natyrore, duke u kthyer në një potencial për turizmin malor.

/RTSH/