Dita e Shpendëve Shtegtarë, Parku Divjakë-Karavasta, arena e mesazheve për të mbrojtur natyrën

Sociale | 2 vite më parë

Shtegu i Pelikanit, rreth 3 km i gjatë është përshkuar në këmbë përmes pyllit të Divjakës nga grupe të shumta turistësh vendas.

Përgjatë këtij shtegu, në Parkun Kombëtar Divjakë- Karavasta mund të shohësh pelikanët, flamingot, çafkat e të tjerë.

Ecja në këmbë u jep mundësinë pjesëmarrësve të njihen nga afër me këtë bukuri të natyrës së vendit tonë, e cila deri tani është habitati i qindra shpendëve dhe bimëve të egra endemike të zonës.

Mësimi për edukimin mjedisor duhet të jetë pjesë e kurrikulave mësimore. Mbrojtësit e natyrës e vunë theksin në rëndësinë e mësimit të brezave të rinj sesi ruhet e mbrohet pasuria e natyrës shqiptare.

1250 Ha është sipërfaqja e zonës së mbrojtur në pyllin e Divjakës e cila këtë vit, vetëm në muajin shtator është vizituar nga 38 mijë turistë vendas dhe 10 mijë turistë të huaj.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.