Familja Fejzulla sjell shijen tradicionale të verës së Leskovikut

Sociale | 2 vite më parë

Leskoviku njihet për natyrën e bukur të tij, për këngët, mikpritjen e në mënyrë të veçantë për prodhimin e verës e të rakisë. Duke shfrytëzuar traditën e kësaj zone, familja Fejzulla ka ngritur një fermë për kultivimin e rrushit, i cili vjen në një cilësi të lartë.

Familja Fejzulla është kujdesur që të kultivojë në fermën e vet kultivarë të vjetër autoktonë dhe t’i bëjë ata të njohur përmes verës së prodhuar edhe jashtë kufijve.

Kushtet atmosferike të favorshme të Leskovikut, zonës së njohur për prodhimin e verës dhe rakisë patjetër që janë një faktor i rëndësishëm, por edhe rinovimi i teknologjisë së përpunimit të rrushit vitet e fundit nga kjo kompani kanë bërë që vera e prodhuar të shkojë edhe për eksport.

Gazetar: Enea Prenjasi

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.