Në zonat rurale të Gjirokastrës kanë filluar përgatitjet për vitin e ri shkollorë. Në një vëzhgim të bërë në shkollën 9 -vjeçare “Petro Poga” pamë nga afër situatën përgatitore. Sakaq Drejtoresha e kësaj shkolle Valbona Shalari  pohoj se pothuajse të gjithë nxënësit janë kompletuar me tekstet shkollore pasi  shpërndarja e librave ka nisur me herët.

“Kemi pasur ndihmesë nga drejtoria e arsimit lidhur me infrastrukturën dhe kemi ndarë punën me mësuesit që fëmijët të gjejnë një ambient sa më të ngrohtë në klasa”, tha Shalari.

Edhe në shkollën e Mesme të Bashkuar “Bilal Golemi” kanë filluar përgatitjet që prej datës 26 gusht.

“Janë pastruar dhe rregulluar të gjitha ambientet dhe materialet, librat janë gati për t’u shpërndarë”, tha nëndrejtori Misto Muxhaj.

Sipas informacioneve të marra nga Zyra Vendore Arsimore Gjirokastër- Libohove të gjithë nxënësit do të pajisen me libra falas, gjithashtu godinat dhe ambientet mësimore do të jenë gati në datën 9 shtator për të mirëpritur të gjithë nxënësit.

Gazetare: Leonida Koçiu 

/rtsh.al/