Pagat në privat deri në 2 mijë euro, drejtues biznesesh inkurajojnë të rinjtë të marrin formim profesional

Sociale | 2 vite më parë

Biznesi pogradecar gjithmonë e më shumë po ecën me hapin e kohës në teknologji, ambiente dhe paga të larta.

Kryetari i Bashkisë Pogradec Ilir Xhakolli vizitoi nga afër ambientet e reja të një biznesi, i cili falë përkushtimit dhe punës me pasion a ka dalë të shtrihet gjerësisht jo vetëm në vend por edhe Europë e deri në Amerikën e largët.

Xhakolli ndoqi nga afër proceset e punës, kushtet e punëtorëve të cilëve krahas pagave shumë të mira, iu ofrohej shërbim ushqimor falas në ambientin e punës.

Problemi i vetëm me të cilin përballej drejtuesi i kompanisë, ishte krahu i punës, ndaj për këtë Xhakolli u angazhua që pranë shkollës profesionale të hapen edhe degë të kësaj fushe.

Drejtuesi i biznesit informoi kryebashkiakun se sot për sot ofron 20 vende të lira pune.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.