Koçiu: Pacientët me tumor të lëkurës do trajtohen përmes pajisjes së ortovoltazhit

Sociale | 2 vite më parë

Mbi 400 pacientë të diagnostikuar me tumore të lëkurës tashmë do të trajtohen në shërbimin e Onkologjisë përmes pajisjes së Ortovoltazhit.

Lajmi është bërë me dije nga Ministrja e Shëndetësisë Albana Koçiu e cila njofton se pajisja ofron trajtim të personalizuar për pacientët me kancer të lëkurës, saktësi maksimale në aplikimin e dozave terapeutike dhe përmirësim të rezultateve klinike dhe ulje të efekteve anësore.

“Ekipi ynë i radio-onkologëve dhe profesionistëve mjekësorë është i trajnuar për teknikat më të avancuara dhe do të punojë ngushtë me çdo pacient për të zhvilluar një plan trajtimi të personalizuar.

Aparati i ortovoltazhit është instaluar në kuadër të bashkëpunimit midis qeverisë shqiptare dhe Agjencisë Atomike të Energjisë në Vjenë”, thuhet në njoftim.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.