Rehabilitimi i pallateve në Shkodër, investimet ndikim në rritjen e vlerës së banesave

Sociale | 2 vite më parë

Blloku i pallateve pranë rrugës “Isuf Sokoli” në Shkodër po transformohet tërësisht.

Krahas restaurimit të fasadave po punohet edhe për instalimin e tubacioneve nëntokësore gjithashtu edhe për rikonstruksionin e sheshit, ndërkohë pak ditë më parë ka nisur edhe tek një tjetër pallat në këtë zonë.

Banorët janë shprehur të kënaqur me këtë investim, i cili është i pari pas 30 vitesh.

Investimi që bëhet me fondet e bashkisë Shkodër kap vlerën e 70 milion lekëve të reja me TVSH, ndërkohë që ndërhyrja përfshin rikonstruksionin e plotë të sheshit, rrjetin e ujërave të bardha dhe të zeza, fasadat e pallateve, ndriçimin dhe kënde lojërash për fëmijët.

Gazetar: Luan Kadija

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.